Айгүл Иманбаева әріптестерін шетелде өтетін тойына шақырып, көпшілікті қызықтырып қойды. Алайда актриса қандай той және оның қашан болатынын ашып айтпады. Есесіне желіде Иманбаеваның той көйлегімен түскен суреті жарияланды, деп хабарлайды Stan.kz.
Одан бөлек, актриса елді көптен күттірген тойдың қашан болатынын жариялады. Иманбаева қазіргі таңда үлкен тойға қызу дайындалып жатыр екен.
“Наурыз айында болады. Күнін айтпай-ақ қояйын. Тойдың ауылы алыс емес. Ал енді қандай той екенін жақындағанда айтамын”, – деді Иманбаева 31 арнаның “Айта берсін” бағдарламасына берген сұхбатында.
Бұл жаңалықты журналистерден естіген Мәдина Сәдуақасова әріптесіне ренжіп қалған. “Неге мен Айгүлдің тойы болатынын білмеймін? Сырттан естимін?” деп шу шығарған. Бұл орайда Айгүл Мәдинадан елдің алдында кешірім сұрады.
“Мәдина ашуланып, ренжіп қалды. Мен айтып үлгерген жоқпын. Мадикош, кешірші жаным. Мен сені тойға шақырамын, күтемін. Қандай той екенін наурызда айтамын”, – деп түсіндірді Иманбаева.
