Түріктің әнін рұқсатсыз алып, бұдан былай ұрлық жасамауға уәде берген Әбдіжаппар Әлқожа сөзінде тұрмады. Ол әзірбайжан ұлтының әнін ұрлап, бұл ісін мойындады, деп жазады Stan.kz.
“Бұл ән өзіме қатты ұнады, қатты жақсы көрдім. Орындағым келді. Репертуарымда әзірбайжанның бір әні болса, қате болмайтын шығар дедім”, – дейді әнші.
Аталған әнді бұған дейін белгілі хитмен Ернар Айдар да орындаған.
“Көпшілігіңіз білесіздер. Ұнаса өте қуаныштымын. Ән ортақ, музыка ұлтқа бөлінбейді деп жатамыз ғой. Мына бала енді ұрламаймын деп еді, тағы ұрлапты ғой десеңіздер, тағы бір мойындайын”, – деген Әбдіжаппар аталған туындыны қатты ұнатып қалғанын айтты.
Ал тыңдармандар Әбдіжаппарға осындай стильдегі әндердің жарасатынын айтып, оң бағасын берген.