Семейдің тарихи ауданы - татар қонысында (татарская слобода) ескі екі қабатты көнеден келе жатқан көпестің үйі сатылымға қойылды, деп хабарлайды zakon.kz.
Krisha.kz мәліметі бойынша, оның нақты қай жылы салынғаны белгісіз. Шамамен үй XIX ғасырдың соңына тиесілі. Мұнда бұрын медресе, содан соң статистика орталығы болған, кейінен көне ғимарат жеке меншіктің қолына өткен. Бұл ғимаратты қазір балабақша немесе оқу орталығы ретінде пайдалануға ыңғайлы.
Татар қонысы - Семейдің тарихи ауданы. Мұнда XVII–XIX ғасырларда салынған бір, екі қабатты көпестердің үйлері көп кездеседі.