Мексика билігі Кристофер Колумб ескерткішін ольмек тайпасынан шыққан әйелдің мүсінімен алмастырады, деп хабарлайды zakon.kz.
Бұл туралы осы елдің астанасының мэрі Клаудия Шейнбаум мәлімдеді. Оның айтуынша, бұл мүсін - басқыншыларға қарсылықтың 500 жылдық тарихи белгісі.
Мэрдің айтуынша, 2020 жылы наразылық шеруі алдында Мехико қаласының орталық даңғылынан алынған Христофор Колумбтың қола ескерткіші енді орнына қайтпайды. Ұлттық антропология және тарих институты (INAH) қадағалауымен ескерткішке қалпына келтіру жұмыстары аяқталғаннан соң мүсін Америка саябағына көшіріледі.
Мексика астанасының билігі наразылық білдірушілер оны шағып тастамай тұрғанда қаланың орталық даңғылынан алып тастап үлгерген. Жаңа құрлықты ашушылардың іс-әрекетіне наразы тұрғындар Америка ашылған күні ескерткіштің көзін құртуды көздепті. Мексика президенті Андрес Мануэль Лопес Обрадор испан патшасынан америкалық елдің байырғы тұрғындарынан жасаған масқара "қиянаты" үшін кешірім сұрауды бірнеше мәрте талап еткен еді.
Колумбтың жаулап алу мүддесіне қатысты теріс көзқарас Мексиканы да айналып жоқ. Мәселен, Америка Құрама Штаттарында нәсілдік кемсітушілікке қарсы бірнеше ай бойы наразылық акциялары кезінде Американы ашушыларға арналып жасалған 33-ке жуық ескерткіштер қиратылған.
