Елімізде ең аз жалақыны өнер және ойын-сауық саласының мамандары алатыны белгілі болды, деп хабарлайды Zakon.kz.
Finprom сайты таратқан мәлімет бойынша, бұл сектордағы айлық атаулы жалақы 2021 жылдың үшінші тоқсанында 162,6 мың теңге болған. Бұл еліміздегі орташа жалақыдан да аз.
Айта кетерлігі, екінші тоқсанда жалақының сатып алу қабілеті Қазақстан бойынша 5,1 пайызға қысқарған тұста, бұл саланың сатып алу қабілеті 1,7 пайызға артқан.
Осы жылдың үшінші тоқсанындағы мәлімет бойынша, бұл саладағы қызметкерлердің тізімдік саны 69,9 мың адамды көрсеткен, бұл өткен тоқсанмен салыстырғанда 3,2 пайызға, ал өткен жылдың осы кезеңімен салыстырғанда, 0,3 пайызға кемігенін байқатады.
Өнер және ойын-сауық саласында қызмет атқаратын мамандардың нақты саны 66,7 мың адам, екінші тоқсанмен салыстырғанда, бұл көрсеткіш 4 пайызға аз.
