Достар, Айсұлтан бауырымыздың алғашқы киносына қолдау көрсетіп жіберіңіздер, – деп жазды Димаш Instagram-дағы парақшасына.
«Қаш» фильмі – отарлаудың қиын кезеңдері мен өткен ғасырдың 30-жылдарындағы кезең туралы туынды. Ашаршылық жайлаған кезде фильмнің бас кейіпкері – қабір салушы Исатай күрделі таңдау алдында тұрады. Себебі оның таңдауынан бүкіл ауылдың тағдыры шешілмек.
Фильмді түсіру барысында көп кедергіге тап болдық. Олар түсіру кезінде аяқтала қойған жоқ. Дистрибьютерлердің «Комедия болмаса, қазақстандық фильмге сенбейміз» деген сөзін естуімізге тура келді. Бірақ біз Қазақстанның киносы әртүрлі болуы мүмкін екеніне сенеміз. Кино дами алады деп сенеміз. Біз «Қашқа» сенеміз. Ең бастысы, біз көрерменге сенеміз, – деп жазды Айсұлтан Сейітов.
«Қаш» тарихи фильмі биыл күзде жарық көреді.
