Kids Help Phone – Канададағы қайырымдылық ұйымы. Ол бүкіл елдегі жастарға құпия түрде психологиялық көмек көрсетеді. Ұйым ағылшын және француз тілдерінде көмек көрсетеді және аптасына жеті күн тәулік бойы жұмыс істейді. Dimashnews.com сайтының мәліметінше, былтыр ғана ұйым Канаданың түкпір-түкпірінен келген бес миллионнан астам балаларға кеңес беріп үлгерді.
Биыл Димаш Құдайбергеннің туған күніне орай канадалық Dears қаражат жинауды ұйымдастырып, Kids Help Phone-ға ақшалай көмек беруді ұйғарды. Бірлескен күш-жігермен олар 1000 доллар (шамамен 440 130 теңге) жинады.
Жастарды үнемі қолдап, көмектесетін Димаштан шабыт алдық, – деді Dears.
Kids Help Phone командасы қазақстандық орындаушының жанкүйерлеріне баға жетпес қолдауы үшін алғыс білдірді.
Қазір жастар COVID-19 пандемиясының үлкен салдарымен күресуді жалғастырып жатыр және біздің сенім телефонымызға жиі жүгінеді. 2019 жылмен салыстырғанда қоңыраулар саны 137% артты. Сондықтан біз барлық Dears-ке бүгінге дейін қажет болған көмек үшін өте ризамыз. Біз Канададағы бірде-бір бала қиын уақытта жалғыз қалмайтынына кепілдік береміз. Сіздің көмегіңіз балалардың өмірін сақтайды! – деді Kids Help Phone командасы.
