Танымал әнші АҚШ-тағы пәтерінде түскен суретін желіге жариялады. Онда ол үлкен терезеге Қазақстан жалауын іліп қойыпты.
"Лос-Анджелестің терезесі болса да, бірақ менің үйім Қазақстан", – деп жазды әнші суреттің сипаттамасында.
Желідегілер бұл суретті жылы қабылдап, қанша қашықта жүрсе-де туған Отаны Димаштың әрдайым жүрегінде екенін жақсы білетіндерін жарыса жазуда.
"Бұл баланы Қазақстаннан алып кетуге болатын шығар, бірақ бұл баланың жүрегіндегі Қазақстанды ешкім де ала алмайды".
"...Отаны жүрегінен орын тепсе, демек ол жүрген жердің барлығы өз үйіндей..."
"Әрине, Диконтай, қайда жүрсең де Отаның әрдайым сенімен бірге..."
Наурыз мейрамдарында бүгіндері АҚШ-та тұрып жатқан танымал әнші Алматыға келіп-қайтты. Ол ата-анасы мен жақындарын құттықтау үшін келген.
