"9 сәуір күні Астана уақытымен сағат 12:00-де менің YouTube арнамнан Қазақ ұлттық өнер университеті колледжінің 1-курс студенті, 16 жастағы інім Әбілмансұрдың шығармасына түсірілген жаңа бейнебаянды көре аласыздар", - деп жазды Димаш өзінің Instagram-дағы парақшасында.
Әңгіме "Together" әніне түсірілген бейнебаян туралы. Бұған дейін Димаш, Раушан, Мансұр Құдайбергеновтер бірлесіп ән орындайтынын хабарлаған едік. Ағайындылар жаңа әнге бейнебаян түсіріп жатқан еді. Енді сол бейнебаян 9 cәуір күні жарық көрмек.
"Together" маған алғашқы секундтардан-ақ әсер еткен еді. Біз оны толық әнге айналдырғанымызға қуаныштымын! Димаш Құдайберген
Әнші бейнебаянға қарындасы Раушан да түскенін еске салды.
"Бірге түскеніміз бұл жұмысты одан сайын ерекше етеді. Біз бәріміз бір-біріміздің бейнемізбіз және өмір жолындағы қиындықтарды бірге жеңіп, жаңа ғаламдарды бағындыруымыз керек екенін айтқымыз келеді! Көріңіздер, достар!"Димаш Құдайберген