Бұған қос ғашықтың Instagram-дағы парақшаларында бір мезетте жарияланған видеосы куә бола алады.
Видео сипаттамасында: "Осымен бітті. 13.06.2023 - біздің отбасымыздың туған күні" делінген.
Видеодан молда алдында Әсел Сәдуақасова мен сүйіктісінің неке жүзігін тағып, неке қию туралы куәлігін алғанын көруге болады.
Айта кетсек, 2023 жылы көктемде Әсел Сәдуақасованың өзінен 7 жас кіші жігітпен көңіл жарастырғаны белгілі болды. Күйеу жігіттің аты-жөні - Мағжан Тілеуханов.
Әсел Сәдуақасова 1985 жылы 31 қаңтарда дүниеге келген, "Келін де адам баласы", "Қазаққа ғашық болмаудың 5 себебі", "Ұлболсын" және т.б. фильмдерде басты рөлдерде ойнаған.