"Малайзияға келдім. Ертең концертте кездескенше. Қолдауыңызға рақмет", - деп жазды Димаш Instagram-дағы парақшасына.
Димаш Малайзия әуежайында түсірілген видеоны бөлісті. Онда әншінің жанкүйерлері жиналып, сүйікті әншісін қарсы алып, шулап, сыйлық беріп жатыр.
Малайзия халқының мұндай қошеметін көрген желі қолданушылары таңданысын жасырмады.
- Көрдіңдер ме, қазақты! Әлемді аузына қаратты! Красавчик
- Құрметті Димаш, сізді көргеніме қуаныштымын. Dears және тамаша қонақ әртістеріңізбен бірге тамаша концерт өткізіңіз. Сізге және сіздің отбасыңызға махаббатқа толы ыстық құшақ жібердім
- Малайзияда жастар Димашты осылай қарсы алатын болған ба? Күшті
- Ауыр қайғыға қарамастан, жанкүйерлерін қалдырмады! Атаңның арты қайырлы болсын, иманда болсын! Атаң естен кетпес үшін де ән айту керек.
- Алла тіл көзден, сөзден бәле жаладан өзі сақтасын. Қазақ елінің даңқын әлемге таныта бер, жарайсың! Тек алға!
Сонымен қатар Димаш Құдайберген малайзиялық жанкүйерлерінің ұйымдастыруымен балалар ауруханасына барған.
"Кеше Малайзияға келгеннен кейін біз бірінші кезекте балалар ауруханасына бардық. Концерт алдында dears қайырымдылық акциясын ұйымдастырды. Мен оларға тәнтімін", - деп жазды ол.
