Александр Литвиновтың қайтыс болғаны туралы ақпарат топтың Instagram-дағы ресми аккаунтында 4 тамызда пайда болды.
"Бүгін түнде 75 жасқа қараған шағында Литвинов Александр Михайлович дүниеден өтті. Ол – біздің ансамбльдің негізін салушылардың бірі, барабаншы. "Дос-Мұқасан" ансамблі балаларына, туған-туыстары мен жақындарына қайғысына ортақтасып, көңіл айтады", - делінген хабарламада.
Ансамбль мүшелері Александр Литвинов жүректерінде адал, мейірімді, шыншыл, жанашыр, жарқын тұлға ретінде сақталатынын айтты.
"Дос Мұқасан" ансамблінің тағы бір негізін қалаушы, солист Қамит Санбаев 2020 жылы қайтыс болған еді.