"Voices of space" ("Ғарыш дауыстары") – 25 беттен тұратын фантастика жанрында жазылған туынды. Бұл – туабітті таңғажайып қабілеті – бірегей даусымен ғаламды өзіне еліктіріп, айналасына бақыт пен қуаныш сыйлайтын ерекше өнерлі адамдарға арналған туынды. Бұл туралы әншінің сайты хабарлады.
Сурет: dimashnews.com
Манганың авторы – испаниялық суретші Альберто Митя. Ол Димаштың шығармашылығымен 3 жыл бұрын танысқан. Оны манга жасауға Димаштың орындауындағы S.O.S әні шабыттандырған.
Сурет: dimashnews.com
"Мен бұл шығарманы Димаштың ерекше таланты мен ғажайып дауысын көпшілікке таныту мақсатында жаздым. "Voices of space" – ғарыштық жарыстарда өз даусымен сайыстарға түсетін бала туралы ғылыми-фантастикалық және фэнтези жанрындағы манга", - деді Альберто Митя.