Димаш аталмыш фотосуретті 27 Мамырда Instagram парақшасында жариялады.
"Менің қытайлық командам, менімен сегіз жылдан бері бірге. Осы уақыт ішінде біз шынымен бір отбасыға айналдық", - деп жазды Димаш сурет жазбасында.
Айта кетейік, Димаш Құдайберген шығармашылығының өте үлкен бөлігі Қытаймен байланысты. 2017 жылы ол қытайлық Hunan TV ән байқауының бесінші маусымына қатысты. Екінші орын алған ол, Қытай жұртшылығын өнерімен жаулап алды. Содан кейін Димаш Бейжіңдегі Black gold talent агенттігімен келісімшартқа отырды.