"Дүниежүзілік көшпенділер ойындарына" дайындық басталып кетті. Бұйырса, әсем қаламызды көруге келетін қонақтарды құшақ жая қарсы аламыз. Көшпенділер мерекесін Димаштың шоу-концертімен қорытындылаймыз деп жоспарлап жатырмыз. Алда - керемет кездесулер, тамаша таныстықтар және қызу дайындықтар....". "Келеді барлық әлем Астанаға, қонады Астанаға барша құстар! " деген әнімізбен баршаңызды күтеміз!", деп жазды Светлана Айтбаева Instagram-дағы парақшасында.
Бұл туралы әншінің өзі де бұған дейін әлеуметтік желідегі парақшасында жазған болатын.
"Биыл Астанада 8-14 қыркүйек аралығында V Дүниежүзілік көшпенділер ойындары өткізілмек. Дүние жүзінің 100 ден астам мемлекетінен түрлі сайыстарға қатысу үшін 4 мыңнан астам спортшылар келеді деп күтілуде. Осы әдемі мереке аясында ҚР Мәдениет және ақпарат министрлігінің қолдауымен , "ДимашАли" шығармашылық орталығының ұйымдастыруымен "Астана аренада" менің "Stranger" атты жеке концертім өтеді. Билеттер сатылымына қатысты ақпарат жақын күндері беріледі. Менің ресми аккаунттарыма назар аудара жүріңіздер. Концертте кездесейік, достар!", деп жазды 7 шілдеде әнші.
