Байқауды ұйымдастырушылардың мәліметінше, 115 автор түрлі жанрда жазылған 202 шығармасын ұсынды. Нәтижесінде қысқа тізімге алты аталым бойынша 30 жұмыс енгізілді.
Дауыс беру нәтижесі бойынша келесі авторлар жеңімпаз атанды:
- Жылдың үздік прозасы — Алтынбек Мерсадық. Астана қаласы.
- Жылдың үздік кино сценариі және драматургиясы — Шаридияр Уәлиханов. Астана қаласы
- Жылдың үздік балалар және жасөспірімдер әдебиеті – Нұрбек Нұржанұлы. Алматы қаласы
- Жылдың үздік сатирасы — Асхат Өмірбаев. Жетісу облысының Үштөбе қаласы.
- Жылдың үздік фантастикасы немесе детектив шығармасы — Бақыт Жалиева. Ақтөбе қаласы.
Бас жүлде — 1 000 000 теңге алматылық Бекен Ыбырайымға бұйырды. Қаламгер "Уран кеніші" әңгімесімен "Жылдың үздік прозасы" аталымы бойынша топ жарды.
Шараға Нұрлан Смағұлов қоры қолдау көрсетті.
"Алтын қалам 2024" байқауына қатысқан үздік туындылардан жеке кітап шығарылады. Жаңа кітаптың тұсаукесері алдағы жылдың басына жоспарланған.