Ол гастролдік сапардан босай қалса, кітапхана жағалайтын қазақ екенін, ал бұл күнде уақытының басым бөлігін аурухана ұрлап жатқанын да жеткізеді.
"Өткен өмір ізсіз емес, қайткенде де сызы қалады екен… Ем-дом қабылдау өмірімнің ажырамас бір бөлігі іспетті… Оңашада адам шеті жоқ шексіз ойға беріледі…Соның тұңғиық тереңіне батпау үшін әлеуметтік желіні парақтайсың…Қысқа-нұсқа сұқбаттар шығыпты. Жадырадан сұрасам "Подкаст" жанры дейді. Онда эксперимент жасайық, деп қолқа салдым Сөкпессіздер, бұл біздің дебютіміз. Аяқ астынан асығыс жазылды…Ұнатып жатсаңыздар, Жәкеңнің мойнына сіз болып-біз болып тағы бір жүк арқалатамыз", делінген Нұрғали Нүсіпжановтың әлеуметтік желідегі жазбасында.