Gazeta.ru-ға берген сұқбатында дәрігер стресс терінің тосқауылдық және иммундық функцияларын төмендетуге, қабыну процестерін белсендіруге, ДНҚ репарациясын тежеп, жара орнының қалпына келу процесін баяулататынын атап өтті. Мұның бәрі терінің құрғауы мен сезімталдығының жоғарылауына, қартаюдың тездеуіне, сондай-ақ дерматологиялық аурулардың өршуіне әкеліп соғады.
"Әсіресе, себореялық және атопиялық дерматит, псориаз, нейродермит, экзема, алопеция, психогенді қышу сияқты тері аурулары стресс факторларына тәуелді. Сонымен қатар, қабыну реакцияларының дамуы және шартты патогенді флораның белсенділігі стресстің ұзақмерзімді әсерінің нәтижесі болып табылады. Психогендік қышу психикалық бұзылулармен байланысты. Көбінесе бұл галлюцинациялық сезімге байланысты, бір нәрсе шағып алған секілді көрініп, бір жерін қаси бергісі келеді, бірақ нақтысында сырттай ешқандай әсер болмайды", – деп түсіндіреді ол.
Сонымен қатар, стреске байланысты шаштың түсуі (алопеция) жиі кездеседі. Шаштың жиі түсуі – ошақты немесе ұяшықты, алопеция. Бастағы ғана шаш емес, денедегі, қас пен кірпіктердің де түсуі мүмкін, - дейді сарапшы.
Маманның пікірінше, генетикалық бейімділігі бар, ақыл-ой, психологиялық және физикалық тұрғыдан тұрақты күйзеліске ұшыраған, күнделікті тәртіпсіздік, ұйқының бұзылуы, уақтылы тамақтанбау, ас қорыту жүйесінің бұзылуы, эндокриндік және жүйке жүйелерінің аурулары, зиянды әдеттерге бейім адамдар тері ауруына бейім келеді.
