72 жастағы науқасты жиі ұстама және бауыр аймағындағы ауырсыну мазалаған. №1 қалалық клиникалық аурухананың хирургтары арнайы лапароскопиялық стеллаж арқылы операция – лапароскопиялық холецистэктомия жасады. Науқастың өт қабында 100-ден астам ұсақ тас табылды. Мұндай өт қабы сыртынан қарасаң, кесілген анарға ұқсайды. Дәрігерлер өз тәжірибесінде мұндай көп мөлшердегі тасты алғаш рет кездестірді. Алматы №1 Қалалық клиникалық аурухананың баспасөз қызметі
Хабарланғандай, операция сәтті өтті. Науқастың денсаулығы қанағаттанарлық, шағымы жоқ. Ол операциядан кейінгі алтыншы күні қанағаттанарлық жағдайда шығарылды.
Дәрігерлердің айтуынша, бұған дейін өт қабын алу дәстүрлі, ашық әдіспен жасалса, қазір кішігірім инвазивті әдіс – лапароскопиялық хирургияға басымдық беріледі. Бұл әдіс науқастың тезірек қалпына келуіне мүмкіндік береді. Операциядан кейінгі кезең әлдеқайда қысқарады, адгезиялық аурудың қаупі барынша азайтылады.
Алматы қаласының №1 қалалық клиникалық ауруханасының көпсалалы хирургиялық бөлімшесінің меңгерушісі Марат Менаяковтың сөзінше, науқастарды көбіне өт қабын сақтау мәселесі қызықтырады.
Өкінішке қарай, өт қабын қалдырып, тастарды алып тастау мүмкін емес. Өт қабы қабынған. Ол болашақта жаңа тастардың пайда болуына ықпал етеді. Бұл ішіңізде сағаттық бомбаны алып жүргенмен тең. Тастар кез келген уақытта өт жолдарына өтіп, жолдың бітелуі және обструктивті сарғаю түрінде асқынулар тудыруы мүмкін.Марат Менаяқов
Меңгерушінің айтуынша, «өтте тас болуы өттің қабынуының одан әрі өршуіне ықпал етуі мүмкін».
Сондықтан өтке тастолуы кезінде өт қабын тастармен бірге, жақсырақ жоспарлы түрде алып тастау керек. Жоспарлы операцияның артықшылығы – науқастың толық дайындығы, қатар жүретін ауруларға тексерілуге келуі.Марат Менаяқов
Жоспарланған операция міндетті әлеуметтік медициналық сақтандыру аясында өтті.
