Алматыда Байзақов-Мақатаев көшелерінің қиылысында үш автокөліктің қатысуымен жол апаты орын алды, деп хабарлайды Zakon.kz.
Toyota Camry көлігінің жүргізушісі айтқандай, ол Мақатаев көшесімен батыс бағытта келе жатып, Байзақов көшесіне шықпақ болады. Байзақов көшесімен солтүстік бағытта келе жатқан Mitsubishi Chariot көлігі келе жатқанын көріп, оны жіберу үшін тоқтайды. Осы сәтте шығыс бағытта Hyundai Sonata көлігі келе жатып, минивенді өткізбей Байзақов көшесіне шыққан. Нәтижесінде көліктер соқтығысып, Hyundai көлігі ұшып барып Camry көлігіне соғылады. Екі жеңіл көлік те тротуарға шығып кетеді.
Апат салдарынан Mitsubishi көлігінің жүргізушісі зардап шекті, ауруханаға барудан бас тартты.