Қостанай облысының Денисов ауданында зираттардың бірінен өрт шықты. Оқиға орнында ер адамның денесі табылды, деп хабарлайды ҚазАқпарат тілшісі.
Ақпаратты облыстық Төтенше жағдайлар департаментінің баспасөз қызметінде растады.
Оқиға кеше 15:00 шамасында Денисов ауданының Заятское ауылында болған. От шыққан зираттан 1968 жылы туған ер адамның мүрдесі табылды.
«Өрт ауқымы 1000 шаршы метрді құрады. Тілсіз жау сағат 20.55-те ауыздықталды», - деді ведомстводан.
Өрттің шығу себебі анықталуда.
