Алматыда еш құжатсыз Subaru теуіп жүрген жас нашақор ұсталды

Полицейлерге бұл жүргізуші тым күдікті көрінген.

Алматыда есірткінің буына елтіп, қала көшелерінде еш құжатсыз көлікпен жүрген жігіт ұсталды, деп хабарлайды Zakon.kz қаланың полиция департаментіне сілтеме жасап.

Тимирязев пен Розыбакиев көшелерінің қиылысында полицейлер Subaru жүргізушісін тоқтатқан. Жас жігіттің жүргізуші куәлігі жоқ, не көліктің ешбір құжаты жоқ. Жүргізушінің жүріс-тұрысы да күдік туғызды.

– Медициналық сараптама анықтағандай, жүргізуші есірткі заттар қолданған болып шықты. Жас жігіт бір апта бұрын аса күшті және әсері ұзақ сақталатын "трамадол" деген есірткі затын қолданғанын айтты, – деді жол-патруль полкінің командирі Манап Саттаров.

1997 жылы туған жүргізушіге қатысты ҚР ӘК 608 бабы, 1 бөлігі бойынша хаттама толтырылды. Оның көлігі айып тұрағына кетті.

Фото: Алматы ПД баспасөз қызметі

Жаңалықтан zakon.kz сайтында хабардар болыңыз: