Алматыда электроцикл мен қоқыс таситын көлік соқтығысып, 81 жастағы ер адам қаза тапты
Сурет: Zakon.kz
Алдын ала мәліметтер бойынша, көліктер бір-біріне қарсы бағытта келе жатқан. Қытайлық үш доңғалақты электроцикл тізгінінде 1945 жылғы ер адам болған.
Сурет: Zakon.kz
Оқиға орнындағы Zakon.kz тілшісінің хабарлауынша, кілт бұрылыста егде жастағы жүргізуші, болжам бойынша, рөлге ие бола алмай, жолдың қарсы бетіне шығып кеткен. Қоқыс таситын көліктің жүргізушісі шұғыл тежегішті басқанымен, бетпе-бет соқтығысудың алдын алу мүмкін болмаған.
Сурет: Zakon.kz
Соққы салдарынан электроцикл жүргізушісімен бірге бірнеше метрге ұшып кеткен. Ер адам өмірге үйлеспейтін жарақаттар алып, оқиға орнында көз жұмды.
Сурет: Zakon.kz
Оқиға орнында жол полициясының қызметкерлері мен криминалистер жұмыс істеп жатыр. Апаттың мән-жайы мен себептері анықталуда.
Бұған дейін Қызылорда облысында жол апаты болып, екі адам қаза тапқаны хабарланған.
