Нұр-Сұлтанда ломбард тонаған күдіктілер ұсталды, деп хабарлайды Zakon.kz астаналық ПД баспасөз қызметіне сілтеме жасап.
Криминалды полиция қызметкерлері жедел-іздестіру шараларының барысында ломбард сөрелерінен ұялы телефондарды ашық түрде ұрлаған күдіктілерді ұстады.
Ломбард тәулік бойы жұмыс істейді және күзет те қойылмаған. Күдіктілер ломбардқа түн ішінде кіріп, сөре терезелерін сындырған, сосын ұялы телефондарды алып, із суытады.
Күдіктілер видеобақылау камералары арқылы анықталып, ұсталды. Ұялы телефондар тәркіленіп, иесіне қайтарылған.
Аталған дерек бойынша, ҚР ҚК 191 бабына сәйкес сот алды тергеу жүріп жатыр. Сонымен қатар, қолға түскен тұлғалардың астана аумағында бұған дейін жасалған осы сияқты басқа да қылмыстарға қатыстарының барлығы тексеріліп жатыр.
Осы күдіктілердің заңға қайшы әрекеттерінен зардап шеккен азаматтар болса, Нұр-Сұлтан қаласының Полиция департаментіне мына мекен-жай бойынша хабарласулары сұралады: Бейбітшілік даңғылы,19 немесе 8 (7172) 71-61-51, 71-63-16 және 102 телефон нөмірлеріне қоңырау шалуға болады.
