Шымкентте Opel Kadett автокөлігінің жүргізушісі кәмелетке толмаған балаларды қағып кетті. Зардап шеккендердің бірі жансақтау бөлімшесіне жеткзілді, деп хабарлайды Zakon.kz.
Белгілі болғандай, 27 мамыр күні сағат 15:30 шамасында Шымкент қаласы Полиция департаменті Әл-Фараби аудандық Полиция басқармасының кезекші бөліміне қаладағы автотұрақтадың бірінде Opel Kadett автокөлігінің жүргізушісі кәмелетке толмаған балаларды қағып кеткені туралы хабарлама келіп түскен.
- Оқиға орнына дереу жеткен патрульдік полиция қызметкерлері жүргізушінің 6 жеткіншекті қағып кеткенін анықтайды. Жол апатының нәтижесінде жасөспірімдердің 1 қалалық аурухананың жансақтау бөлімшесіне жеткізілді. Қалған 5 бала жеңіл жарақаттар алып, үйлеріне қайтарылған. Бірнеше сараптама жұмыстары тағайындалды, - деді Шымкент қалалық Полиция департаментінің баспасөз қызметі.
Қазіргі таңда аталған дерекке қатысты ҚР ҚК 345 бабының 2 бөліміне сәйкес сот алды тергеу жұмыстары жүргзіліп жатыр.
