Алматы облысының полицейлері жүргізген арнайы рейд барысында бірнеше притон ашылды, деп хабарлайды Zakon.kz өңірдің полиция департаментінің баспасөз қызметіне сілтеме жасап.
Рейд нәтижесінде жеті адам жауапкершілікке тартылатын болды, оның ішінде екі қонақ үй мен бір саунаның қожайындары бар.
- Рейд барысында ақшаға интим-қызмет көрсететін 25-35 жас аралығындағы 12 әйел анықталды. Олардың арасындағы екі әйел өзге елдің азаматы. Ұсталғандар есепке қойылып, олармен түсіндіру жұмыстары жүргізілді, - деп хабарлады Алматы облыстық полиция департаментінің баспасөз қызметі.
