Алматыда жайсыз оқиға орын алды: самокат тепкен жігіт пен егде жастағы автобус жүргізушісінің арасындағы керіс жол апатына әкеп соқты, деп хабарлайды Zakon.kz.
Бұл видео желіде жылдам тарап кетті. 99-шы маршрутағы автобус жүргізушісі жол жиегінде келе жатқан самокат жүргізушісін "қысып" кетсе керек, кекшіл самокатшы автобустың аялдамаға тоқтаған сәтінде автобусқа кіріп келіп, жүргізушінің тұмсығын бұзған.
Есесін жібергісі келмеген қарт жүргізуші әлгі бұзақының самокатына жармасып, оны оқиға орнынан жібермеуге тырысады.
Ақыр аяғы ұрыс-кезінде кезінде самокатына міне сала кетіп қалмақ болған жігітті көлік қағып кетті.
Аталған дерек полицияға жетті. Автобус City Bus компаниясына тиесілі. Олар істі соңына дейін жеткізбек.