Алматылықтар көшедегі бір бағдаршамды бағанға жабысқақ жылтырмен (скотчпен) жабыстырып қойғанын байқап, оны суретке түсіріп алған, деп хабарлайды Zakon.kz.
Ал бұл сурет әлеуметтік желілерде зыр деп тез тараған.
Қала тұрғындары қалалық қызмет орындарының мұндай тапқырлығына өз таңданыстарын жасыра алмай, бұл төңіректе әртүрлі болжамдарын айтқан. Оның арасында "Қазақстандық фирмалар бағдаршамды бекітудің жаңа, тез әрі арзан әдісін ойлап тапты" деп қағытқандар да бар.
Бұл сынды қала әкімдігі де тез аңғарып, олқылықтың орнын толтырып, парақшаларында видео мен жазба жариялады.
"Азаматтарымыздың арқасында біз олқылық туралы ақпараттан дер кезінде құлағдар болып, ол арада бағдаршамдарды орнатумен айналысатын - СМЭУ ЖШС мердігер компаниясы жөндеу жұмысын жүргізді, барлық ақау қалпына келтірілді, бұл арада бағдаршам қазір қалыпта режимде қазір жұмыс істеп тұр" деп жазды олар.