70-тен астам киік атқан күдіктілерді анықтау және ұстау бойынша Қарағанды облысы ішкі істер органдарының жеке құрамына бағыттама берілді, деп хабарлайды Zakon.kz Қарағанды облысының ПД Баспасөз-қызметіне сілтеме жасап..
Облыстық полиция департаменті басшылығымен күдіктілерді ұстауға байланысты білікті мамандардан жедел-іздестіру тобы құрылған болатын.
Қарағанды облысымен шектесетін облыстағы полиция қызметкерлерімен бірлесіп тосқауыл бекеттері қойылды. Бағыттамада көрсетілген автокөліктерге ұқсас барлық көлік құралдары тексерілуде.
Естеріңізге сала кетейік, 26-шы қазан күні "Охотзоопром" және Нұра аудандық полиция бөлімінің қызметкерлерімен Нұра ауданына қарасты Жанбобек ауылынан 60-шақырым жерде мүйіздері кесілген 72 киіктің тұтас еті табылғаны туралы хабарланған.
Аталған факті бойынша Қазақстан Республикасы Қылмыстық Кодексінің 337 бабы 4 тармағына сәйкес қылмыстық іс қозғалды.
Браконерлерді іздеу жұмыстары жалғасуда.