Оқушы қызды үйіне дейін аңдып келген ер адам видеоға түсіп қалды

Ер адам оқушы қызды көшеден аңдып, пәтеріне дейін еріп келген.

Желіде оқушы қызды аңдып, көшеден пәтеріне дейін еріп келген еркектің біртүрлі әрекеті түсірілген видео тарауда, деп хабарлайды Zakon.kz.

Видео биыл 29 қазанда сағат 16: 52 уақытында Сәтпаев көшесі №23/2 үйінің подъезі алдында түсірілген (Нұр-Сұлтан қаласы).

Видеода басына курткасының бас киімін басып киіп алып, көзіне көзілдірік тағып, бетін орамалмен жауып алған ер адам қызбен бірге подъезге кіреді. Онымен бірге бетін жауып лифтіне де күтіп, жан-жағына қарағанда байқаусызда бақылау камерасына түрі түсіп қалады. Лифт келе қоймаған соң қыз пәтеріне жаяу көтеріледі, ер адам да оның соңынан ереді.

- Ата-аналар сақ болыңыздар!!! Бұл кісі пәтеріне дейін еріп барған. Қыз есік ашқанша, қасында арлы-бері жүріпті. Аминуша тез үйге кіріп, есікті бекітіп алған. Одан соң ол есікті қаққан. Қыз биік орындыққа шығып, есіктің тесігінен қарапты. Есік алдында ақ футболка мен көзілдірік киген бір адам тұрған. Кімсің десе, көршіңмің, қант бар ма деген, - дейді видео авторы.

Жаңалықтан zakon.kz сайтында хабардар болыңыз: