Әлеуметтік желілерде тікұшақтар дезинфекция жүргізу үшін төбеден дәрі шашады деген хабар тарады. Онда дәл қай жерде шашатындығы көрсетілмеген. Коронавирус тіркелген Қазақстан қалаларының әкімдіктері бұл хабарламаға қатысты түсініктеме берді, деп хабарлайды zakon.kz.
Бүгін сағат 23:00-ден таңертеңгі 5-ке дейін тікұшақтар дезинфекцияға арналған дәрі-дәрмектерді шашады, терезелер мен балкондар жабық болуы керек, ал 23:00-ден кейін көшеге шығуға болмайды. Бұл туралы әскери бөлімнен хабарлады, делінген хабарламада.
Нұр-Сұлтан және Алматы қалалық әкімдіктері бұл ақпаратты жалған деп атады.
Бұған дейін көшеде және мектептерде жүрген балаларға айыппұл салынады деген фейк ақпарат тараған болатын.
