ҚР Қорғаныс министрлігі МиГ-31 әскери ұшағының құлағанын растады, деп хабарлайды zakon.kz.
Апат Қарағанды қаласының аэродромынан оңтүстікке қарай шамамен 20 шақырымдай жерде болды. Ұшақ аспанға көтерілгеннен кейін бір қозғалтқышынан өрт шықты. Катапультпен ұшақтан шығу туралы әмір берілгеннен кейін, әскери ұшқыштар ұшақты елдімекендер жоқ алқапқа бағыттап, өздері катапультпен секіріп кетті.
Қорғаныс министрлігінің бұйрығымен бұл авиациялық апатты тергеу жөніндегі комиссия құрылды.
Апат орнына Қазақстан Әскери әуе күштерінің іздеу-құтқару отряды келді.