19 жастағы Айым Қамзаеваның денесі Семейдегі өзен жағасынан табылды. Полиция мәйітте ешқандай дене жарақат болмағанын айтты, деп хабарлайды zakon.kz.
Қыздың мәйіті бүгін, 15 мамырда Бобровка саяжайы орналасқан өзеннің жағасынан табылды. Жедел-іздестіру іс-шаралары барысында табылған мәйіттің жеке басын анықтау барысында оның 2000 жылғы жоғалған қызға тиесілі екендігі белгілі болды. Денеден көзге көрінетін зорлық-зомбылық белгілері табылған жоқ, деп хабарлады Шығыс Қазақстан облыстық полициясы.
Бұрын өзеннің су деңгейінің жоғары болуына байланысты бұл аймақты тексеру мүмкін болмаған. Қыздың денесін волонтерлар тапқан, онда да олар бұл өңірді бірнеше рет сүзіп қараған.
Тиісті сараптама тағайындалды. Тергеу амалдары жалғасуда.
Айта кетсек, Айым Қамзаеваны іздеу жұмыстары 4 мамырда басталған. Бір күн бұрын ол үйден кетіп, қайта оралмаған. Оны іздеу үшін тәжірибелі полиция қызметкерлерінің ішінен мамандандырылған жедел-тергеу тобы құрылды.