Шымкентте "Бекжан" автовокзалы өртенді, деп хабарлайды zakon.kz.
Қалалық ТЖД хабарлауынша, автовокзалдың бірінші қабатында аяқ-киім сатылатын бутиктен өрт шыққан.
9 маусымда сағат 14.10 шамасында Темірлан тас жолындағы "Бекжан" базарының алдындағы автобус вокзалында аяқ-киім бутигі өртенді. Өртті сөндіруге 70 өрт сөндіруші мен 24 арнайы техника жұмылдырылды. Өрттің ауданы 280 шаршы метрді құрады, деп хабарлады төтенше жағдайлар департаментіндегілер.
Өрт сағат 15.40-та ауыздықталды. Жарақат алғандар жоқ.
