Атырау қалалық полициясы "НұрӘлиКапитал" ЖШС құрылтайшысын ұстады, деп хабарлайды zakon.kz.
ҚР ІІМ ресми сайтының хабарлауынша, күдікті ақпан айынан бері халықаралық іздеуде болған.
16 маусымда біздің Алматыдағы қызметкерлеріміз қабылданған іс-қимыл шаралары арқасында осы компанияның құрылтайшысы ұсталды, ол алаяқтық жолмен жылжымайтын мүлік пен салымшылардың ақшасын иемденіп, қашқан, - деді Атырау облыстық ПД бастығының орынбасары Нұрхат Оразбаев.
Бұған дейін Атырау қалалық тергеу соты ер адамға қатысты қамауда ұстау түріндегі бұлтартпау шарасын сырттай жариялаған. Қылмыстық істі Атырау облысы полиция департаментінің жедел-тергеу тобы тексеріп жатыр. Бұл қылмыстық іс бойынша қозғалған тергеу барысы ҚР Ішкі істер министрлігінің жеке бақылауында.