Павлодар қаласының шетінде көлік салонынан оқ тиген жас жігіттің денесі табылды, деп хабарлайды zakon.kz.
Облыстық полиция департаментінің баспасөз қызметіне сілтеме жасап, "Павлодар-онлайн" хабарлағандай, кеше - 16 қыркүйекте сағат 21.50-де Павлодар қаласы, Жаңауыл ауылындағы базалардың бірінің аумағында Audi A6 автокөлігінің салонынан денесіне мылтықтың оғы тиген ер адамның мәйіті табылды. Марқұм 27 жаста болған.
Қылмыс жасағаны үшін ер адам қамауға алынды. Мылтық тәркіленді. Енді осы факт бойынша ҚР Қылмыстық кодексінің 99-бабы 1-бөлігі, "Адам өлтіру" бойынша сотқа дейінгі тергеу амалдары басталды. Сот-медициналық сараптама тағайындалды. Күдікті Павлодар қаласы ПД-ның уақытша ұстау изольяторына тоғытылды, деп хабарлайды полициядағылар.
Сондай-ақ, ПД-ның баспасөз қызметі тергеу мүддесіне сай өзге ақпарат Қазақстан Республикасының Қылмыстық іс жүргізу кодексінің 201-бабына сәйкес жария етуге жатпайтынын жеткізді.