Таразда үйден өрт шығып, екі бала қаза тапты, деп хабарлайды zakon.kz.
- Жамбыл облысы ПД баспасөз қызметінің хабарлауынша, 1 қазан күні таңғы сағат 9.57-де полицияға Тараздағы Ақмола көшесінің бойында өрт болып жатқаны туралы хабарлама келіп түскен. Оқиға орнына келген өрт сөндірушілер қызыл жалынды ауыздықтады. Оқиға орнын қарау кезінде тәртіп сақшылары 2017 және 2018 жылы туылған кәмелетке толмаған екі баланың денесін тапты. Өлімнің алдын-ала себебі - өрт тудырған көмірқышқыл газына улану. Аталған факті бойынша ҚР Қылмыстық кодексінің 292-бабы, 3-бөлігі (өрт қауіпсіздігі ережелерін бұзу, екі немесе одан да көп адамның өліміне әкеп соқтыру) бойынша сотқа дейінгі тергеу басталды. Қажетті сараптамалар тағайындалды, - дейді полициядағылар.
Полиция ата-аналарды балаларын қараусыз қалдырмауға, сондай-ақ күнделікті өмірде кездесетін қауіп-қатерден қорғану ережелерін үйретуге шақырады.