Оралда Lada Priora көлігі аялдамаға соғылып, тас-талқан етті. Жол апаты 6 қазанда сағат 23.04-те Гагарин көшесінде болған, деп хабарлайды zakon.kz.
Апат салдарынан екі адам әртүрлі дәрежедегі дене жарақаттарын алды.
- Lada Priora көлігі бар жылдамдықпен келіп, аялдамаға соғылып, оны тасталқан етті. Көлікті тізгіндеген 31 жастағы ер адам және оның жанындағы 30 жастағы жолаушысы жол-көлік оқиғасы салдарынан түрлі дене жарақаттарымен ауруханаға жеткізілді. Бақытымызға орай, басқа құрбандар жоқ. Орал қалалық полиция бөлімінің тергеу-жедел тобы оқиға орнында жұмыс істеді, - деді БҚО полиция департаментінің ресми өкілі Болатбек Белгібеков "Мой город" басылымына.