Алматы маңындағы Байсерке ауылындағы демалыс орындарының бірінде оқ атылды, деп хабарлайды zakon.kz.
Әлеуметтік желіде оқиғаның видеосы пайда болды. Видеода ер адамның оқиға орнынан видео түсіріп, сонымен қатар полицияға қоңырау шалғанын байқауға болады. Ол бұл - Байсерк аумағында екенін, Калашниковтан оқ атып жатқанын хабарлайды. Екінші адам бұл жерде балалары бар екенін айтып, жанжалдасқандарды сабырға шақырады.
- Оқыс жайт биылғы жылдың 31 қазанында сағат 16.00 шамасында Алматы облысы, Іле ауданы, Байсерк ауылындағы демалыс орындарының бірінде болған. Полицияға бейтаныс адамдардың қару кезеніп, кісі өлтірмек болғандығы туралы ақпарат түсті. Қазіргі уақытта аталған факті бойынша адам өлтіруге оқталу бабы бойынша сотқа дейінгі тергеу басталды. Күдіктілерді анықтауға және оларды ұстауға бағытталған тергеу-жедел іс-шаралар кешені ұйымдастырылды, - деп хабарлады Алматы облысы Полиция департаментінің баспасөз қызметі.