Әлеуметтік желілерде таратылған сайлау заңнамасын бұзу туралы жалған ақпараттардың қазіргі сайлауға ешқандай қатысы жоқ, деп мәлімдеді брифингте Қазақстан Республикасы Бас Прокурорының аға көмекшісі Азамат Сарғазин, деп хабарлайды zakon.kz.
Жеке адамдар әлеуметтік желілерде резонанс тудыру мақсатында бүгін болған сайлау заңнамасын бұзушылықтар туралы "жалған" материалдар таратып жатыр. Біз олардың қашан түсірілгенін тексердік. Олардың қазіргі сайлау науқанына ешқандай қатысы жоқ, - деді Сарғазин.
Ол Whats қосымшасының мессенджері арқылы тарап жатқан видеоны мысалға келтірді. Бейнежазбада сайлау комиссиясы мүшелерінің қол қойып, алдын-ала дайындап қойған бюллетеньдері анықталғаны айтылған.
Бұл былтырғы президент сайлауы кезінде Нұр-Сұлтандағы No68 сайлау учаскесінде түсірілген ескі видео екені анықталды, деп толықтырды брифингте ол.
Ол "ҚР-дағы сайлау туралы" заңға сәйкес, сайлау күні және оның алдындағы күні кез-келген сайлау алдындағы үгіт-насихат жұмыстарын жүргізуге тыйым салынатынын еске салды.
Алайда, кеше "үнсіздік күні" Алматыда азамат Б. "Ақжол" партиясын қолдап, анонимді үгіт материалдарын таратқан. Аталған факт бойынша прокуратура қысқартылған өндіріс түрінде азаматты Әкімшілік кодекстің 102 және 113-баптары бойынша әкімшілік жауапкершілікке тартып, жалпы 20 АЕК көлемінде айыппұл салды, - дейді бас прокурордың аға көмекшісі.
Жалпы алғанда, оның айтуынша, 9 қаңтар - үнсіздік күні прокуратураға екі өтініш келіп түсті: біреуі Бас прокуратураға және біреуі Нұр-Сұлтан қаласының Есіл аудандық прокуратурасына.
Атап айтқанда, Алматы қаласының тұрғыны дауыс беру кабиналарында перденің болмауына байланысты "дауыс беру құпиясын" бұзудың алғышарттары белең алуы ықтимал деген арызбен жүгінді. Бұл өтініш құзыреті бойынша қаланың аумақтық сайлау комиссиясына қайта бағытталды. Сол күні елорданың Есіл прокуратурасына Қазақстан халықтық партиясының мүшесінен үндеу келіп түсті, онда ол өзінің партиялық тізімге енбеуімен келіспейтіндігін білдірді. Прокуратура оған партияның бұл шешіміне сотқа шағымдануға құқығы барымен түсіндірді, өйткені бұл партияның ішкі актілерімен реттелетін мәселе, - деп түсіндірді брифингте ол.
Бас прокурордың аға көмекшісі бүгін таңертеңнен бастап прокуратураға ешқандай шағымдар мен арыздар, оның ішінде дауыс беру шарттарын бұзу бойынша да арыз түспегенін баса атап өтті.
