Павлодар облысында қызды ұрған ер адамға қатысты тергеу басталды, деп хабарлайды zakon.kz.
Бұл факт тіркеуге алынды. Полиция қызметкерлері оқиғаның барлық қатысушыларын анықтады. Павлодардағы дүкендердің бірінде ер адам мен 13 жасар қыз сөзге келіп, ерегескені анықталды. Жанжал кезінде ер адам кәмелетке толмаған қызға дене жарақатын салған. Ер адамға қатысты кәмелетке толмағанның заңды өкілдерінен шағым түсті. Сот-медициналық сараптама тағайындалды. Сараптама нәтижелері бойынша ҚР Қылмыстық Кодексінің 293-бабы 1-бөлігі бойынша сотқа дейінгі тергеу басталды, - деді Павлодар облыстық полиция басқармасы бастығының бірінші орынбасары Жасқайрат Қайыров Polisia.kz сайтына.
25 ақпанда әлеуметтік желілерде Павлодарда көшеде бүкіл елдің көзінше ер адамның жасөспірім қызды ұрғаны түсірілген видео пайда болды.
