Қайыңды көлінің аумағында видеотүсірілім ұйымдастырушыларына айыппұл салынуы мүмкін, деп хабарлайды zakon.kz.
Әлеуметтік желілерде Қайыңды көлінің ортасында үрлемелі матраста қыз жатқан видео пайда болды. Оған қатысты желідегілердің пікірі екіге жарылды. Көбісі бұл әрекетке наразылық білдірді.
Табиғат қорғау полиция қызметкерлері видео түсірілім ұйымдастырушыларына қатысты ҚР Әкімшілік кодексінің "Жеке адамдардың ерекше қорғалатын табиғи аумақтарда болу тәртібін бұзу", яғни 380-бабына сәйкес әкімшілік құқық бұзушылық бойынша хаттама толтырылды.
Бұл бапқа сәйкес, видеотүсірілім ұйымдастырушыларына ескерту немесе 2 АЕК (5,834 теңге) көлемінде айыппұл салынуы мүмкін.