Нұр-Сұлтандағы сауда үйінің жанында қып-қызыл төбелес болды, деп хабарлайды zakon.kz.
Бұған дейін әлеуметтік желіде трансгендерлерге қатысты видео пайда болған.
Видеоның авторы төбелеске түрткі қара көйлек киген қыз қоғамдық жерде айналаға сауыттан газ шашқанын айтады.
Ал ол қыз видеодағы сөз барысында: "Мен - трансгендермін, жынысымды өзгертіп алғанмын", - дейді.
Нұр-Сұлтан қалалық ПД төбелеске қатысқандардың барлығы бөлімге жеткізілгенін хабарлады.
16 мамырда сағат 20.38-де "102" арнасына "Астаналық" сауда үйінің жанында жастар төбелесіп жатқандығы туралы хабарлама келіп түсті. Оқиғаға қатысушылардың барлығы ұсталып, Байқоңыр аудандық полиция бөліміне жеткізілді. Әкімшілік іс қозғалды, - деп нақтылады полициядағылар.