Сауд Арабиясында оқыған Ақтөбе тұрғыны лаңкестікті насихаттады деген айыппен сотталды, деп хабарлайды zakon.kz.
Полицияның мәліметінше, 31 жастағы ақтөбелік дәстүрлі емес діни ағымдарды насихаттағаны үшін Ақтөбе облысы бойынша қылмыстық-атқару жүйесі департаментіне қарасты КА-168/2 орташа қауіпсіз мекемесінде жазасын өтеп жатыр.
Белгілі болғандай, жас жігіт бұған дейін Сауд Арабиясының медициналық ислам университетінде оқыған. Екі жыл бұрын 3-курс студенті жазғы демалысқа туған жеріне келген.
Дөңгелек жөндейтін орында діни сабақ беремін деп ол, нақтысында дәстүрлі емес діни ағымды ашық түрде насихаттады.
Қазақстан Республикасы Қылмыстық кодексінің 256-бабының 1-бөлігі бойынша сот оны бес жылға бас бостандығынан айырды.
Қазіргі уақытта "Ақниет" қоғамдық қорының және "Аңсар" ақпараттық-талдау орталығының мамандары, сондай-ақ мешіт имамдары тұрақты түрде осы сотталушыны сауықтыруға бағытталған профилактикалық іс-шараларды өткізуде, - деді Ақтөбе облысы бойынша ҚАЖ-дың тәрбиелік және әлеуметтік-психологиялық жұмыс тобының бас маманы Руслан Төлегенов.
