Ұлттық қауіпсіздік комитеті өткен жылы қандай қылмыстық топтар жойылғанын айтты. Олардың арасында "Айшуақ Жантүгел" атты ұйымдасқан қылмыстық топ та бар, олар адам ұрлаумен, қарақшылықпен, сондай-ақ "барахолка" базарындағы кәсіпкерлерді «"крышевать" етумен айналысқан, деп хабарлайды zakon.kz.
ҰҚК өткен жылы қандай қылмыстық топтардың жойылғандығы туралы видео жариялады. ҰҚК мәліметтері бойынша, Қазақстанда 40-тан астам ұйымдасқан қылмыстық топ жұмыс істейді. 2020 жылы қауіпсіздік күштері 10 ұйымдасқан қылмыстық топтың көзін жойып, 40-тан астам қылмыс әлемінің жетекшілері мен топ мүшелерін ұстады және 48-ден астам атыс қаруын тәркіледі.
Мәселен, өткен жылдың ақпан айында "вор в законе" Серік Джаманаев (Серік-Голова - ред.) ұсталды.
Оның ұйымдасқан қылмыстық тобы зорлық-зомбылық қолдану арқылы ауыр және аса ауыр қылмыстар жасаған. Топтың қызметіне тосқауыл қою ұлтаралық негіздегі дүрдараздықтың орын алу ықтималдығына нүкте қоюға мүмкіндік берді, деп хабарлайды ҰҚК.
Тінту кезінде 8 атыс қаруы, екі граната, көп ақша мен бопсалау фактісін растайтын заттай дәлелдемелер тәркіленді. Нәтижесінде ұйымдасқан қылмыстық топтың 11 мүшесі қылмыстық жауапкершілікке тартылды. Серік-Голованың өзі 19 жылға бас бостандығынан айырылды.
2020 жылдың қыркүйегінде "Әлибовшылар" ұйымдасқан қылмыстық тобының мүшелері ұсталды. Бұл қылмыстық топ көлеңкелі бизнесті "крышевать" етумен айналысқан: заңсыз ойын бизнесі, бопсалау, рейдерлік, заңсыз қаржылық операциялар, сондай-ақ зорлық-зомбылық қаупі бар жеке кәсіпкерлерге сырттай қолдау көрсету қызметі.
Сондай-ақ, ҰҚК "Айшуақ Жантүгел" атты ерекше қылмыстық топ мүшелерін қалай ұстағандарын айтты.
Өткен жылдың соңындағы сәтті операцияларының бірі - "Айшуақ Жантүгел" ұйымдасқан қылмыстық тобының жеті белсенді мүшесін тұтқындалуы болды. Операция Алматы қаласында 2020 жылдың 28, 29 қарашасында жүзеге асырылды. Оны ҰҚК Ішкі істер министрлігімен бірлесе жүргізді.
"Айшуақ Жантүгел" ұйымдасқан қылмыстық тобы өзінің айрықшылдығымен және қылмыстардың қатыгездігімен ерекшеленді. Қылмыстық топтың дамуы барысында оның ықпалының айтарлықтай кеңеюі 2018 жылы Сарыбұлақ көлінде заңсыз балық аулау саласында басталғаны анықталды. Ұсталғандар көтерме және бөлшек сауда базарларына, Сайран автобекетінің инфрақұрылымына және оңтүстік астананың басқа нысандарына бақылау орнатқан, делінген видеода.
Топ мүшелерінің Алатау, Өжет, Кенжехан базарларында, сондай-ақ оған жақын орналасқан автотұрақтарда, соның ішінде барахолкада кәсіпкерлерді бопсалау, тонау, ұрлау, "крышевать" етумен айналысқаны туралы хабарланды.
ҰҚК мен Ішкі істер министрлігі топ мүшелерінің 2016 жылы қылмыс әлемінің серкесі Нұрбековтің өліміне қатысы бар екендігі туралы дәлелдер жинады. Кісі өлтіру, тонау, бопсалау, ұрлық және озбырлық фактілері бойынша 17 қылмыстық іс қозғалды. Қазір құқық қорғау органдары осы топтың қалған мүшелерін іздеуде.
Қылмыскерлер қанша айлакер, қу болса да, олардың баратын жері түрме немесе екі метрлік шұңқыр, - деп атап өтті ҰҚК.
