Алматыда 3 шілдеде таңға жуық тауар мен материалдар сақталатын қойма өртенді, деп хабарлайды zakon.kz.
3 шілдеде түнгі сағат 4:44-те Алматының төтенше жағдайлар департаментінің 101 пультіне Жетісу ауданындағы Солтүстік айналма жолы 87Г мекен жайында орналасқан қоймалардың өртенгені туралы хабарлама келіп түсті.
Өрттің көрші қоймаларды шалу қаупі болып, сол жерде төтенше жағдайлар департаментінің штабы құрылды.
Сумен үздіксіз жабдықтау қамтамасыз етіліп, өртті сөндіруге авиация жұмылдырылды. 81 қызметкер мен 24 техника тартылды.
Қабылданған шаралардың күшімен таңғы сағат 7:44-те өрт ауыздықталды, делінген ТЖД хабарламасында.
