Қандыағаш қаласының тұрғыны 75-тен астам салымшыны алдап соқты, деп хабарлайды zakon.kz.
2020 жылдың қазан айында әйел "Қыс" деп аталатын қаржы пирамидасын құрып, азаматтардан ақша тарту бойынша іс-шаралар ұйымдастырды.
Материалдық залал көлемі - ауқымды. Қазіргі уақытта бұл қылмыстық іс бойынша 75-ке жуық жәбірленуші бар. Мұғалжар аудандық ПБ Тергеу бөлімі ҚР Қылмыстық кодексінің 217-бабы, 3-бөлігі, 2-тармағы, "Қаржылық (инвестициялық) пирамида құру және басқару" бойынша тіркелген қылмыстық іс бойынша тергеу жүргізуде, - деп хабарлады Ақтөбе облысының полициясы.