Нұр-Сұлтанда карантин кезінде блогерлердің қатысуымен дүркіреп үйлену тойы өтті, деп хабарлайды zakon.kz.
Той барлық сән-салтанатымен кең көлемде өткізілді.
Инстаграм әлеуметтік желісінің мониторингілеу кезінде полиция қызметкерлері блогерлердің қатысуымен үйлену тойынан түсірілген видеоны анықтады.
Полиция тойдың астананың сол жағалауындағы Қорғалжын тас жолының бойындағы мейрамханада болғанын анықтады.
Мейрамхана иесіне, блогерге және тойдың басқа қатысушыларына қатысты жиналған материалдар ҚР заңнамасына сәйкес жауапкершілікке тарту үшін Санитарлық-эпидемиологиялық бақылау департаментіне жіберілді, деп хабарлайды Нұр-Сұлтан қалалық ПД баспасөз қызметі.