"Айлин" мейрамханасы Қарағанды облысы, Балқаш қаласында орналасқан. Тойды тоқтату үшін мобильді топ мүшелері терезеден секіріп, кіруге мәжбүр болды, деп хабарлайды zakon.kz.
Мейрамханада той туралы ақпарат үйлестіру орталығына келіп түсті. Осыдан кейін оқиға орнына мобильді топ аттанды. Мейрамхана есігін тарс жауып алып, инспекторлар талабына жауап бермеді. Сол себепті арнайы қызметті шақыруға тура келді. Нәтижесінде олар ғимаратқа терезе арқылы кірді.
Барлық қонақтардан түсініктеме алынды. Айыппұл мекеменің иесі мен іс -шараны ұйымдастырушыға ғана емес, сонымен қатар қонақтарға да келіп тұруы мүмкін, - деді Балқаш қаласы әкімдігінің баспасөз қызметі.
Материалдар шешім қабылдау үшін қалалық Санитарлық-эпидемиологиялық комитетке жолданды.