Ресейдің Астрахань облысында МиГ-29 ұшағы апатқа ұшырады. Ұшқыш қаза тапты, деп хабарлайды zakon.kz.
МиГ-29 жойғыш ұшағы Ашулық полигонының аумағында оқу-жаттығу кезінде апатқа ұшырады. Бұл туралы РИА Новостиге Оңтүстік әскери округінің баспасөз қызметі хабарлады.
Белгілі болғандай, оқ-дәрісіз ұшақ жоспарлы рейсті орындау кезінде айдалаға құлады.
Болған оқиғаның басқа мәліметтері әзірге белгісіз. Апат болған жерге Аэроғарыштық күштердің Жоғарғы қолбасшылығының комиссиясы жіберілді, ол ұшақ апатының себебін анықтайтын болады.